27/01/1531 [27/01/1532]
<18 verso>
Remission
pour Jehan Deslandes, la
verificacion au sennechal de Vennes.
[1] Francois,
etc, a tous presens et advenir, savoir faisons, nous
[2] avoir receu l'
humble supplicacion et requeste des parens et
[3] amys
consanguins de
notre subgect Jehan Deslandes,
sergent de
<19 recto>
[4] court et juridicion de Vennes, Contenant
que a ung
jour de vendredy ou
[5] moys d'octobre
derroin et quecquessoit puis demy an, ne sont autrement
[6] acertenez ne
numbres du temps, se trouva en
notre ville
dudit Vennes ung
[7] jeune filz habillé en habit de lacquays quel se
nommoit Charles Mahé
[8] et pour tant
que ledit Deslandes fut adverty ausi quel est veu
[9] a
congnoissance ausdits supplians par
plusieurs personnes que
ledit lacquays
[10] avoit des pieces d'or et le suspectoient de les
avoir robees a quelque
[11] personne, celluy Deslandes se transporta il et ung
nommé Jehan Lebrun
[12] de
ladite ville en sa compaignie en la maison ou demouroit lors en icelle
[13] ville de Vennes ung nommé Jehan Morel,
pareillement sergent, quels
[14] demanderent a la
femme dudit Morel par telles ou semblables
parrolles :
[15] « Est point venu ceans ung petit lacquays ? » A quoy leur fut par
ladite femme
[16] respondu que :
« Ceans avoit esté ung petit lacquays mais estoit allé hors
[17] ne scavoit quelle part. » Et sur ce s'en allerent ceulx Deslandes et Lebrun hors
[18] ladite maison, droit a la petite riviere qui est illec pres, et bientost
[19] apres s'en
retournerent a
ladite maison
dudit Morel en laquelle
incontinent
[20] apres eulx arriva
ledit lacquays et monterent ceulx Deslandes, Lebrun
[21] et lacquays
assemblement en une chambre haulte de
ladite maison et
incontinent
[22] se trouverent avecq eulx
ledit Morel, Anthoine Berguellion
et Jacques
[23] Chevalier, pareillement
sergens de
ladite court, quelz
et chacun demanderent
[24] audit lacquays dont il avoit eu l'or qu'il avoit avecques. A quoy respondit
[25] celluy lacquays qu'il l'avoit prins et robé a ung sien maistre qu'il
[26] avoit longtemps
servy lequel ne l'avoit poyé de son
service, sans
[27] leur nommer ne declairer qui estoit
sondit maistre. Et apres
[28] ces parolles,
lesdits nomez ayans tousiours suspeczon
que ledit lacquays estoint
[29] larron, se print
ledit Deslandes a
fere serché de l'or
et argent que povoit
[30] avoir
ledit lacquays en sa
possession en
presence des aultres devant
nommez
[31] et trouverent
audit lacquays quarante pieces d'or en escuz
solleil et escuz
[32] a la couronne fors ung angelot et demy angelot quel
nombre d'or
ledit
[33] Deslandes print
et hosta
dudit lacquays
et emporta avec luy hors
[34] ladite maison
dudit Morel jucques au soir dicelluy jour que il
[35] et
lesdits aultres sergens se trouverent
ensemble a soupper en
ladite maison
[36] dudit Morel et apres avoir souppé pour ce que ne scavoint a qui estoit
[37] ledit or, le departirent par entreulx fors ung escu
solleil et troys testous
[38] qu'ilz laisserent
audit lacquays pour s'en aller et eurent
lesdits sergens et
[39] Lebrun
chacun sept escuz
comme est venu a
congnoissance esdit supplians et esperant
[40] ledit Deslandes celler le faict si aulcuns en feussent venuz
fere poursuilte
[41] et aveu, et pour bien le demonstrer apres, que se trouverent
<19 verso>
[42] en
ladite ville de Vennes quelques gens suyvans
ledit lacquays et se
[43] advouans
serviteurs serviteurs[sic] de
maistre Geffroy Henry, alloué de
[44] Guingamp a qui
apartenoit ledit or, incontinent fist
ledit Deslandes
[45] diligence de recouvrer des devant
nommez ledit or et le restitua
[46] liberallement audit Henry et jucques a
fere ladite diligence de recouvrer
[47] ledit or de ses
consors pour iceluy rendre. Et craignant
rigueur
[48] de justice
ledit Deslandes se mist en franchise en l'
eglise de
Saint
[49] Pierres dudit Vennes ou il est encores a present ; duquel cas
ledit
[50] Deslandes a esté par noz officiers
dudit Vennes interrogé ce qu'il
[51] a
liberallement confessé et oultre a
composé o
ledit Henry tant
[52] du principal que de ses mises
et interestz
tellement qu'il s'en est
[53] tenu content et en a quicté
ledit Deslandes
et promis le garantir et
[54] acquicter vers
ledit lacquays et tous aultres qui
[??] luy
pouroint
[55] fere dudit cas fors vers nous et justice. Nous remonstrant
[56] oultre lesdits supplians que
ledit Deslandes est jeune
home ayant
[57] femme et quatre petitz enfans soubz l'aige de dix ans a
nourrir
[58] et encores a
present etre sadite femme ensaincte d'
enfant
[59] laquelle et
lesdits enfans ne pourroient vivre ne
[60] soy entroutenir sans le moien
et ayde
dudit Deslandes
[61] et qu'il s'est
tousiours bien porté en son office
et ailleurs
[62] sans jamais avoir esté actainct ne
convaincu d'aulcun mauvaix
[63] cas digne de reprehension jucques au faict de
present, ains bien
[64] famé et renommé, et craignent et doubtent
lesdits supplians
[65] que l'on veille vers
ledit Deslandes pour
ledit cas
procedé
[66] a
rigueur de justice si par nous ne luy est sur ce
[67] imparty noz
lettres de grace
et remission, tres
humblement
[68] nous requerant icelles.
Pourquoy nous,
etc.
Pelerin