17/02/1531 [17/02/1532]
<28 recto>
Remission pour Rolland Ferron, la
verificacion
au
seneschal de
Rennes.
[1] Francois,
etc,
savoir faisons, a tous
presens et a venir, nous
[2] avoir receu l'humble
supplicacion et requeste des
femme, parens
[3] et amys consanguins de
notre tres humble subgect Rolland Ferron,
Sr
[4] de La Ferronnaye, Contenant leur estre venu a
congnoissance
[5] que ou moys de
novembre derroin ledit Ferron a ung
jour de mardy,
partit
[6] du lieu et maison de Quebriac en compaignie du
Sr dudit lieu
[7] ung appellé
maistre Jehan de Plufragan, Rolland de Porron, et
[8] leurs
serviteurs, pour aller au lieu et maison de chasteaulx
[9] estant sys et situé en la
parroisse de Combour, loing
et distant
[10] de
ladite maison de Quebriac de deux lieux et demye ou
environ
[11] pour veoir et visiter le
Sr de Villepré et dicelle maison de
[12] chasteaulx, parent
dudit Ferron lequel les avoit invitez pour
[13] les festivez et
assemblement fere bonne
chere comme bons
et intimes
[14] amys ; ce que ilz firent jucques au lendemain
dudit jour
[15] que ilz partirent
assemblement de
ladite maison de chasteaulx sans
[16] que en icelle maison il fust advenu
aulcune querelles, questions
[17] ne debatz
entre aulcuns de
ladite compaignie, ains avoient
assemblement
[18] prins joyeux passe temps les ungs avecques les aultres et
[19] comme ledit Ferron lequel de long temps
paravant avoit grand
[20] haut et
frequentacion eux
avecques ledit Sr de Quebriac pour
<28 verso>
[21] l'amytié que luy portoit, s'en
retournant celluy Ferron en sa
[22] compaignie et
desdits de Plufragan et de Porcon et eulx estans
[23] en l'endroit d'un boys nommé le boais de Pirieuc, distant de
[24] ladite maison de Chasteaulx d'un quart de lieue ou environ,
ledit
[25] Ferron ayant voulloir de se retirer a
sadite maison de La Ferronnaye
[26] et laisser la compaignie
dudit Sr de Quebriac o lequel
[27] ledit Rolland de Porcon faisoit sa plus
continuelle residence,
[28] prya
ledit Ferron,
ledit de Plufragan, de s'en aller
avecques luy
[29] a
sadite maison esperant luy faire bonne
chere ce que ne luy
[30] accorda
ledit de Plufragan et sans aultre congé prandre
dudit
[31] Sr de Quebriac de craincte que il l'eust pressé de s'en aller
[32] avecques luy, demeura celluy Ferron derriere
ladite compaignie
[33] esperant prandre son plus droit chemyn a se retirez a
ladite
[34] maison de La Ferronnaye ; ce qu'il fist avecques luy estans
[35] deux de ses
serviteurs et estant separé de
ladite compaignie
[36] ledit de Plufragan a grant course de cheval suyvit
ledit
[37] Ferron luy dist que
ledit Sr de Quebriac luy faisoit
scavoir
[38] que s'il laissoit la compaignie que jamais il ne l'aymeroit.
[39] Et tant pressa
ledit de Plufragan
ledit Ferron que il luy
consentit de
[40] retourner
audit Sr de Quebriac o lequel chevauchoit
ledit
[41] Rolland Porcon et pres d'un villaige appellé
appellé[sic]
[42] le villaige de Villeheudes
lesdits de Plusfragan et Ferron
[43] acoureirent
ledit Srde Quebriac, de Porcon
et serviteurs
[44] que
avecques eulx estoint et
auparavant estre arrivé
ledit Ferron,
[45] en leur compaignie vid et
aperceut deux moines
portant
[46] habit de piaulx
comme religieux de l'ordre
[47] de
Saint Bernard, l'un desqueulx estoit saesy d'un arbalestre
[48] bandee, ung garot ou cyzeau estant dessus estant
[49] couscher vers
ledit Sr de Quebriac ; et craignant que
[50] celluy moyne eust eu volunté dicelle arbalestre
[51] desbander
et en
fere aucun mal, s'escria
ledit Ferron
[52] en assez haultes parolles,
advertissant ledit Sr de Quebriac
[53] quel chevauchoit devant
que ce feust prins garde. Et
[54] audit advertissement s'arresterent
lesdits de Quebriac et de
[55] Porcon et
ledit Ferron picqua son cheval vers
ledit
[56] moyne portant
ladite arbalestre bandee et en assez
[57] rudes parolles pour tenir
ledit moyne en craincte et
[58] obvyer qu'il n'eust sur aulcuns de
ladite compaignie
<29 recto>
[59] desbandé ledit baston, luy dist qu'il eust lasché et rendu
[60] l'arbalestre et n'eust icelle desbandee. Et
ledit moyne
[61] de sa franche et libere volunté bailla
audit Ferron
ladite
[62] arbalestre ainsi bandee et trect dessus qui la print sans
[63] toutesfoiz
fere aulcun tort ny oultraige
audit moine et
[64] estoit lors
environ la nuyt
clouante puis
apres chevaucherent
[65] assemblement tous d'une mesme
compaignie et gueres ne firent
[66] de chemyn
que par l'un des
serviteurs de
ladite compaignie chevauchant
[67] devant
lesdits Sr de Quebriac, de Porcon, Plufragan
et Ferron,
[68] fut dit que ilz se feussent prins garde et que il y avoit
[69] encores aultres moynes en ung champ pres
dudit chemyn
[70] par lequel ilz chevauchoient. Et alors
lesdits Sr de Quebriac,
[71] de Porcon
et Ferron entrerent
oudit champ et pieze de terre
[72] ouquel estoint
quatre ou cinq aultres moynes ayans
et portant
[73] arbalestres partie dicelles bandees, garotz ou aultres
[74] trectz ferrez dessus, picquerent
lesdits de Quebriac, Ferron et
[75] de Porcon vers les moynes estans en
ladite piecze
[76] esperans les
congnoistre et entendre
quelz cherchoient. Lesquelz
[77] s'enfuyrent et evaderent fors l'un d'eulx o lequel se
[78] arresta
ledit de Porcon assez pres de la haye et entree
oudit
[79] champ
et picqua vers eulx
ledit Ferron
avecques luy estans
[80] ung sien
serviteur et ung lacquays et a l'arivee
dudit Ferron
[81] dist
audit moenne parrolles de tel effect :
« Il fault vous
[82] remenez, maistre moenne, a votre abbaye ! » luy remonstrant
[83] que ce n'estoit son estat de porter arbalestre. Lors
ledit
[84] de Porcon en assez rudes parolles demandes
audit Ferron
[85] de quoy il ce soucyoit, disant
audit Ferron
semblables parolles :
« Rendez
[86] l'arbalestre que vous avez osté a l'aultre moenne, laquelle
[87] vous avez, et ne vous soucyez d'aultre chose. » et en blasphemant
[88] le nom de dieu, dist audit Ferron qu'il n'estoit que
[89] ung meschant. A quoy luy respondit
ledit Feron qu'il
[90] n'estoit point meschant et qu'il estoit aussi homme de bien
[91] que luy, de quoy
ledit de Porcon jurant la mort dieu, le
[92] desmentit le appellant uncore meschant. De quoy
ledit
[93] Ferron le desmentit
pareillement et lors
ledit de Porcon tira
[94] du foureau l'espee qu'il portoit et picqua vers
ledit
[95] Ferron et rua ung coup d'estoc
audit Ferron taschant
<29 verso>
[96] dicelluy coup le frapper au travers du corps quel coup
[97] fut par
ledit Ferron receu de la main gauche
tellement qu'il enltra
[98] celle main et oultre le blecza et attaignit
dudit coup au visage et
[99] ainsi le voyant
ledit Ferron oultraigé par
ledit de Porcon
[100] tant de fait que de parolle gecta a terre
oudit champ l'
arbalestre
[101] que uncore il portoit bandee ung cyseau dessur et
[102] tira son espee qu'il portoit a son costé et s'entreruerent
[103] lesdits Ferron et de Porcon de
leursdites espees, coups et
[104] collees. Et est venu a
congnoissance ausdits exposans
[105] que ledit Ferron de
sadite espee attaignit et blecza
ledit de Porcon
[106] ou dedans et au-dessus de la souriz du braz dextre duquel
[107] coup il blecza
grandement oudit braz
ledit de Porcon en
[108] deux endroictz, puis
apres avoir esté ainsi actainct
ledit
[109] de Porcon
dudit coup se partit dudit lieu ou avoit
[110] esté leur debat, de distance d'environ demy gect de
[111] pallet et se mist a pyé
ledit de Porcon ayant entre
[112] ses mains son espee nue, marcha vers
ledit Ferron
[113] lequel s'estoit arresté pres du lieu ou avoit
[114] esté bleczé pour soy estancher du sang qu'il gectoit
[115] de la playe luy faicte par
ledit de Porcon, ainsi
que
[116] devant est dit, s'esforcza
ledit de Porcon de
sadite espee
[117] ruer coups, colles vers
ledit Ferron de quoy il
[118] se deschargea myeulx
que fere le peut, sans
[119] toutesfoiz
fere aultre playe ne bleceure audit
[120] de Porcon et se trouva lors a
leurdit debat
ledit
[121] Sr de Quebriac qui les departit de
leurdite querelle
[122] et se retirerent
ledit Ferron et
sesdits serviteurs a leurdite
[123] maison de
chateaulx et
avecques ledit de
Porcon bleczé
[124] demeurerent
lesdits de Quebriac, de Plufragan et
aultres
[125] leurs serviteurs. Et est venu a
congnoissance ausdits suplians
[126] que
ledit de Porcon par
lesdits estans en
ladite compaignie
[127] devant
nomez, fut aydé de aller
audit villaige
[128] de Villeheudes pres
dudit lieu estant et mys
[129] en une maison ou il fut
pensé de ce que
fere l'on luy
[130] peut et
confessé. Toutesfoiz quelque peu d'heure
<30 recto>
[131] apres et en icelle mesme nuyt estoit allé de vie a deces. Pour
[132] la
[?bocrement?] duquel cas a esté
procedé a enqueste
et informacion
[133] d'
auctorité de
notre court de
Rennes au
pourchatz et sollicitacion des
[134] parens
et amys
dudit de Porcon et est venu a
congnoissance
[135] ausdits suppliants apres
lesdites enquestes fectes, prinses de corps
[136] ont esté decretees sur la
personne dudit Ferron
et en celle
[137] demande et
aiournements luy
donez avoir desfailly
par quelques
[138] foiz tant a
instance de
notre proces dudit Rennes que
desdits
[139] par les interessees chacun pour son
interest. Aussi nous
[140] remonstrent
lesdits supplians que
ledit Ferron est
gentilhomme
[141] attaignant de lignaige a
plusieurs bons
personnaiges gentilzhomes
[142] et
[??] et
paravant ledit cas de fortune avenu s'estoint
[143] trouvez
lesdits Ferron
et de Porcon bons amys s'entre-
[144] portans
et faisant plaisirs l'un a l'
autre et
paravant
[145] ledit cas avenu s'estoit
ledit Ferron bien
honnestement
[146] trecté et
gouverné tant en
notre service [?le bande?] et en la
compaignie
[147] de
notre gouverneur et
lieutenant general en
cedit pays,
[148] le
Sr de
Chateaubriend que en
aultre ses
afferes.
Neantzmoins
[149] quoy,
lesdits suppliants craignent
et doubtent que l'on
[150] veille proceder a
rigueur de justice vers
ledit Ferron
[151] pour
ledit cas par luy
comis si par nous ne luy
[152] est sur ce pourveu de noz lettres de grace et
[153] remission, tres
humblement nous requerant icelles.
[154] Pourquoy nous,
etc.
Pelerin