27/09/1532
<200 recto>
Remission pour
Guillaume de La Tribouille de meurtre
commis en la
personne de Jehan de Pouez, l'adresse
aux
alloué et
lieutenant de
Nantes.
[1] Francois,
etc, savoir faisons, nous
avoir receu l'
humble
[2] supplicacion et requeste des parens et amys consanguins
[3] de Guillaume de La Tribouille, jeune
gentilhome de le aige
[4] de vingt deux a vingt troys ans ou environ,
Contenant
[5] comme paravant ces heures
et des le temps de demy
[6] an ou environ, ung nommé Jehan de Pouez aussi
[7] gentilhome,
frere juvigneur du
Sr de La Moriciere, eust
conceu
[8] hayne sans
cause contre
ledit de La Tribouille de moienne
[9] stature
et qui n'estoit de sa personne pour resister
<200 verso>
[10] aux folles entreprinses
dudit Jehan de Pouez, homme grant, fort
[11] et puissant aultant ou plus que homme de leur contree
quequessoit
[12] beaucoup plus que
ledit de La Tribouille, lequel de Pouez
plusieurs
[13] foiz
et en
plusieurs compaignies en absence
dudit de La Tribouille
[14] avoit faict et faisoit
plusieurs menaces de outtrager
[15] et tuer
ledit de La Tribouille s'il le povoit trouver rencontrer
[16] a son avantaige. Et par
plusieurs foiz, estoit allé sercher
[17] ledit de La Tribouille en la
parroisse de
Saint Colonbain
[18] ayant par aulcunes foiz une hacquebute, de la mieche
[19] et du feu et par autresfoiz une arbalestre
[20] en laquelle parroisse est situee la maison de
[21] Beczons, lieu et maison principalle des pere
[22] et mere
dudit de La Tribouille, ainsi qu'estoit venu a
[23] notice
et congnoissance dudit de La Tribouille par
[24] les vantaisons que en avoit faict
et faisoit
[25] de jour en autre
ledit de Pouez. A raison
desquelles
[26] menaces,
ledit de La Tribouille qui n'estoit pour
[27] resister a la force
et folles entreprinses
dudit de Pouez
[28] qui estoit coustumier de
mectre ses menaces et
[29] folles entreprinses a execution pour l'atintion de
[30] sa
personne de peur d'estre tué ou blecé
par ledit de Pouez
[31] lorsqu'il alloit hors
ladite maison de Beczons
pour
[32] ses affaires, estoit contrainct porter
et prandre
[33] sur luy quelque pourpoint d'escaille. Et suyvant
[34] ledit de Pouez sa mauvaise volunté tendant icelle
[35] mectre a execution le
jour et feste de la
decollacion
[36] mon
seigneur saint Jehan
Baptiste derniere passee qui fut
[37] le vingt
neufviesme jour d'aougst
derroin auquel jour
[38] y avoit et a de
coustume chacun jour avoir a
pareil
[39] jour et feste, foire et marché publicque au
[40] bourg de
Saint Jehan de Corcoué soubz
notre juridicion
[41] de Nantes auquel lieu y habondant celluy
[42] jour
plusieurs personnes de
diverses contrees tant
pour se
[43] marchander en icelle foire que
pour voyaige en
[44] icelluy lieu de
Saint Jehan.
Ledit de La Tribouille ayant
[45] avecques luy son
serviteur que l'on appelle Le Goulait
<201 recto>
[46] partirent au matin
dudit lieu
et maison de Beczons apres
avoir
[47] disné en icelle
et prindrent chemyn
pour [sic] audit lieu
[48] et bourg de Corcoué ou tenoit
ladite foire
pour ses
afferes,
[49] quel lieu de Beczons est assez pres
dudit lieu de
Saint Jehan
[50] de Corcoué a
distance d'une lieue ou
environ, ayant
[51] celluy de La Tribouille
et sondit serviteur chacun son espee
[52] au cousté ainsi qu'
ilz avoint
acoustumé de porter, oultre porta
[53] ledit Goulat une arbalestre, des matraz
et une vire
[54] a son costé quelle arbalestre il porta bandee. Et
environ
[55] medy
dudit jour,
celluy de La Tribouille estant a marchander
[56] en
ladite foire du fil de corde d'arbalestre d'un mercier
[57] demourant a Veillevigne,
nomé Jehan Landreau, ou
[58] lieu ou
ledit Landreau
et autres merciers estans a
ladite
[59] foire avoint estallé leurs marchandies, arriva en
celluy
[60] jour
ledit Jehan de Pouez,
frere juvignez
dudit Sr de La Moriciere
[61] auquel
ledit de La Tribouille ne pensoit lors aucunement
[62] que de Pouez s'adrecza
audit Goulat lors
serviteur dudit
[63] de La Tribouille et mist la main sur la clef de
ladite
[64] arbalestre et la desferra en
maniere que
parties de
ladite corde
[65] rompit, demandant
celluy de Pouez
audit serviteur qu'il en
[66] voulloit
fere et si s'estoit a luy a porter arbalestre, auquel
[67] celluy
serviteur respondit
et dist
audit de Pouez qu'il n'en
[68] voulloit
fere mal. Et oyant
ledit de La Tribouille
ladite deferé
[69] de
ladite arbalestre se destourna et incontinent
ledit de Pouez
[70] s'adrecza a luy et le print
et saesit au collet et aux manches
[71] de sa robe luy disant :
« Tu es armé ! » le frappant sur les
[72] espaulles. Quoy voyant,
ledit de La Tribouille
estre ainsi
[73] detenu
par ledit du Pouez qui estoit grant
et puissant
et qui
[74] l'avoit ainsi menacé de paravant comme dit est,
pour
[75] et asfin que
celluy du Pouez l'eust lasché
et laissé de ainsi
[76] le tenir au collet, et tira ung petit poignart qu'il avoit
[77] au costé
et fist
contenance d'en voulloir frapper
et deffaict
[78] s'esforcza d'en voulloir frapper celluy de Pouez quel
[79] de Pouez le luy osta
et soy reculla. Et
desgaignerent
[80] lors leurs
leurs[sic] espees
lesdits de Pouez et Goulat,
[81] serviteur dudit de La Tribouille,
et s'adreza
ledit de Pouez
audit
[82] Goulat
et s'entre ruerent quelques coups l'un
<201 verso>
[83] vers l'autre. Et ainsi que ledit Goujat se retira
[84] au bas vers la fontaine qui estoit pres du lieu ou
[85] tenoit et a de coustume tenir
ladite foire,
ledit de Pouez
[86] s'adrecza
audit de La Tribouille l'espee nue, luy
[87] disant par telles ou
semblables parrolles :
« Tu es mort si
[88] tu ne desgaignes ! » Et voyant
celluy de La Tribouille
[89] estre ainsi pressé
dudit de Pouez ayant son espee
[90] nue en la main qui s'adreczoit a luy a poincte
[91] d'espee et lequel ainsi que dit est de
paravant
[92] s'estoit vanté en
plusieurs lieux qu'il tueroit
ledit
[93] de La Tribouille, icelluy de La Tribouille se retira
[94] arriere
et en soy retirant desgayna son espee.
[95] Et s'entre ruerent ceulx de Pouez et de La Triboille
[96] plusieurs coups l'un vers l'autre, et donna
celluy
[97] de Pouez un coup de taille de son espee sur
[98] le visaige
dudit de La Triboille en la joue du
[99] costé dont il voit voullant
comme est a
[100] presumer luy crever l'oeil. A raison que
[101] de
paravant ledit de Pouez s'estoit vanté
[102] crever
audit de La Triboille l'oeil dont il
[103] voyoit
pour le
rendre aveugle
pour ce qu'il
estoit
[104] [??] [?de vent?] de l'un de ses yeulx de
paravant.
[105] Et voyant
ledit de La Tribouille
estre ainsi blessé
[106] a grant effusion de sang fut plus esmeu
[107] que devant Et en ruant l'un contre l'autre actaignit
[108] d'un coup destre
ledit du Pouez
par le ventre qui le passa a
travers
[109] le corps ainsi que dempuis ledit de La Tribouille ouyt
[110] dire. Et incontinent
apres ledit coup
ledit du Pouez dist
[111] qu'il estoit mort et laissa tomber son espee a
[112] terre. Et ce voyant
ledit de La Tribouille tout
[113] incontinent soy retira sans donner ne ruer
dempuix autres
[114] coups
audit de Pouez; et luy a esté
dempuix estre dit que ainsi
[115] qu'il soy retira que
ledit Goujat lors son
serviteur donna
[116] ung coup de taille sur le
derriere de la teste
dudit du
[117] Pouez et deux coups sur le braz droit. Et soy retira
[118] incontinent
ledit du Pouez en la maison
dudit Vrignault,
<202 recto>
[119] hostellier, ou il fut
confessé et receut son
createur. Et
[120] environ deux ou troys heures apres, alla celluy du Pouez
[121] ainsi que
dempuix est venu a
congnoissance audit de La Tribouille
[122] de vie a deceix. Si remonstrent oultre
lesdits supplians que
[123] apres celluy du Pouez
avoir esté ainsi blessé estant en la
[124] maison
dudit Vrignault dist qu'il pardonnoit a tous et
par
[125] especial audit de La Tribouille qui l'avoit ainsi blessé disant
[126] qu'il l'avoit
par longtemps serché
ledit de La Tribouille
pour
[127] le
devoir offenser
et qu'il avoit pourchassé sa mort et
qu'il
[128] ne voulloit qu'on en fist question ne
ennuy audit de La
[129] Tribouille a
raison de sa mort
congnoissant qu'il avoit tort
[130] de ainsi
avoir pourchassé
et assailly
ledit de La Tribouille
[131] et qu'il s'estoit
legitimement deffendu. Et que
celluy du Pouez
[132] s'estoit
paravant celluy jour decleré et dit en plusieurs lieux
[133] estre ennemy mortel
dudit de La Tribouille et l'avoit serché
[134] par
plusieurs et reiterees foiz tant ou
bourg de
Saint Coulomban
[135] ou est
ledit lieu de Beczons situé que ou chemyn
conduisant
[136] et estant pres
celluy lieu de Beczons par aulcunes foiz ayant
[137] une hacquebute
avecques mesche et feu
et par autres foiz
[138] arbalestre et troictz. Et s'estoit plusieurs
foiz venté jurant
[139] dieu s'il trouvoit
ledit de La Tribouille,
Sr de Beczons qu'il le
[140] tueroit. Et est venu a
congnoissance ausdits supplians que
ledit
[141] du Pouez avoit conceu
ladite hayne a tort
et sans
cause a
raison
[142] d'un oayseau qu'on appelle sacré quel ung an a ou
environ,
[143] s'estoit trouvé es boys
dudit lieu de Beczons ou il fut prins
[144] et baillé
audit de La Tribouille ; et
apres l'avoir gardé
parr
[145] quelque temps, il fut
adverty que
celluy oayseau
appartenoit
[146] a Louys du Chasfault,
Sr Dasnes, oncle maternel
dudit
[147] du Pouez auquel
ledit de La Tribouille le rendit sans difficulté
[148] quelconque. Et puis
apres derechef apres quelque
[149] espace de temps revolla
ledit oyseau
audit boys de Beczons
[150] et illec fut prins
et bailla
audit de La Tribouille lequel
[151] le garda par quelques
jours esperant
et actendant que
[152] celluy du Chasfault en eust faict serché et l'eust
<202 verso>
[153] envoyé querir, ce qu'il ne fist.
Et come ledit oyseau
estoit
[154] ainsi en
ladite maison de Beczons, survint ung
gentilhome
[155] parent
dudit de La Tribouille quel le pria qu'il eust
[156] faict voller
ledit oyseau es environs
dudit lieu de Beczons
[157] quel de La Tribouille luy dist que
ledit oyseau n'
estoit
[158] pas a luy et qu'il avoit peur que si l'on luy bailloit
[159] voller qu'il feust allé quelque part en
maniere
[160] qu'il ne l'eust peu
facillement recouvrer. Et que
[161] ledit du Chaffault auquel il
apartenoit en eust
[162] esté mal content de luy. Et par la priere que
[163] luy fist derechef
ledit gentilhome de luy bailler
[164] ledit oyseau a voller illec pres,
celluy de La Tribouille
[165] le luy fist bailler ; et incontinent
celluy gentilhome
[166] le porta voller et oncques puix que la vollee
[167] luy fut
baillé,
celluy oyseau ne retourna et
[168] estimoit
celluy de La Tribouille qu'il s'en fust
retourné
[169] aux environs la maison
dudit du Chaffault
auquel
[170] il estoit deliberé l'envoyer. Et
pour celle cause,
[171] avoit
celluy du Pouez, nepveu
dudit du Chaffault
[172] conceu telle hayne mortelle
contre celluy
[173] de La Tribouille quel il serchoit
pour l'outraiger.
[174] Et mesmes
ledit jour et feste de la decollation
[175] mon
Sr Saint Jehan
Baptiste dernier,
ledit du Pouez lors
[176] qu'
il arriva
audit lieu de Corcoué avoit une
[177] hacquebute
et du feu en la mesche
et s'enqueroit
[178] et demandoit si
ledit de La Tribouille y estoit,
[179] a quoy luy fut
repondu par
quelqu'un que ouye.
[180] Et
pour la craincte en quoy estoit
continuellement ledit
[181] de La Tribouille de trouver
et rencontrer
ledit
[182] du Pouez
pour la
preservacion de sa
personne, avoit
celluy
[183] jour ainsi que
paravant estoit coustumier
[184] ordinairement porter lors qu'il alloit hors sa
[185] maison, ung pourpoint d'escaille sur luy. Aussi
[186] nous remonstrant
lesdits supplians que de tous temps
<203 recto>
[187] paravant ledit cas,
celluy de La Tribouille a esté de bon
[188] gouvernement, doulx
et paisible
gentilhome, non rumoreux,
[189] querelleux ne debatif, sans jamais
avoir esté accusé,
[190] actainct ne vaincu d'aulcun autre mauvaix cas digne
[191] de
reproche, chargé de troys damoyselles ses seurs
[192] prestes a marier. Et estoit celluy du Pouez decedé
[193] home de mauvayse vie,
querelleux et debatif, grant
[194] entrepreneur de noyses et debatz, coustumier de
[195] baptre
et de
mectre ses menaces a execution. Nous
[196] suppliant qu'
il nous plaise a tout ce que
dessus avoibr esgard,
[197] remectre, quicter
et pardonner ledit faict
et cas
dessusdit
[198] audit de La Tribouille. Et en adresser nos
lettres
[199] aux
alloué ou
lieutenant de Nantes, a
raison que la
femme
[200] du
senneschal dudit lieu est
proche parente, cousine
germaine
[201] dudit feu Jehan du Pouez. Tres
humblement, le nous
requerant,
[202] pour quoy nous,
etc.
Darande