06/11/1532
<216 verso>
Remission pour Jullien Emery, menusier,
et Guyon Meignen,
laboureur , de lorcin
*
declairé en
ladite remission adreczee
pour
verificacion au
seneschal de Nantes, dont la
teneur
ensuilt.
[1] Francois,
etc, a tous
presens et advenir, Salut. Savoir
faisons
[2] nous
avoir receue l'
humble supplicacion et requeste
[3] des parens et amys consanguins de noz pouvres
[4] subgectz Julien Emery, pouvre
home de l'art et
[5] mestier de menuserie, et Guyon Meignen, pouvre
<217 recto>
[6] home de labeur demourans en la parroisse
[7] de Varades en
notre comté de Nantes, a present
[8] detenuz prinsonniers a grant misere
et calamité
[9] ou Bouffay et prinsons de
notre ville de
Nantes,
[10] Contenant come Jacques Emery, filz
dudit Julien
[11] [?en?] cinq ans
[?sont?] ou environ delaissé et habandonné
[12] sondit pere sans avoir ouy nouvelles de luy
[13] es deux ans derroins jucq a
notre derniere
[14] venue en cestuy
notredit pays
et duché, quel
[15] se trouva a la fin du moys d'aoust ches
sondit
[16] pere
audit lieu de Varades ou il resida quelque
[17] peu de temps disant qu'il suyvoit
notre court
[18] et qu'il avoit maistre, et que il et Pierres
[19] Belin
dudit Varades avoient achapté deux
escuelles
[20] d'argent sans leur declairer de qui ne pour
quel
[21] pris quelles ilz avoient des long temps mises
[22] en gaige de six livres ou environs a Candé en
[23] La Mee ou pays d'Anjou disant
ledit Jacques
[24] Emery
audit Julien Emery
sondit pere qu'elles valloint
[25] grandement plus que icelle somme.
Et pour ce qu'il disoit
[26] n'avoir argent pour les delivrer, dist a
sondit
[27] pere qu'il luy convenoit les delivrer ; a quoi
repondit
[28] sondit pere qu'il n'avoit argent mais qu'il failloit
[29] parler audit Meignen quel est marié
[30] avecques la seur
dudit Emery
et que s'il avoit
[31] argent ilz iroint
audit Candé
pour retiré
ladite vexelle d'argent.
[32] Ce qu'ilz firent et alla avecques eulx
ledit
[33] Meignen
audit lieu de Candé ou illec chez ung
[34] nommé Francoys Malinet trouverent
ladite
[35] vexelle qui estoit en gaige de la
some de six
livres
[36] troys soulz dont
ledit Emery en poya ung escu
[37] soulleil
et dix soulz, et
ledit Megnen soixante
[38] dix soulz. Et ce faict, prindrent chemyn
lesdits
[39] Meignen, Emery
et sondit filz a venir en
notredite
[40] ville de Nantes ayant
ledit Emery
lesdites escuelles
[41] es manches de la robe qui estoint liees par le bout,
[42] et cachees au dedans de sa robe lesquelles escuelles
<217 verso>
[43] y avoit escuczons d'armoyries gratees
et effacees
[44] des lors qu'ilz les retirerent
tellement que l'on
[45] n'y pouvoit rien congnoistre sans jamais avoir
[46] eu
congnoissance desdites armes ne a qui apartenoient
[47] icelles escuelles. Et lorsqu'ilz furent arrivez en
[48] notredite ville de Nantes, allerent vers Gilles
[49] Mabit, orfeuvre, auquel ilz offrirent
lesdites
[50] escuelles a vendre luy disans qu'il n'eust a les
[51] acuser, et que s'il y avoit ung pot de vin a
[52] gaigner qu'il en gaignist sa
parrt. Lequel
[53] Mabit print et retint icelles escuelles
[54] leur disant qu'ilz feussent apres disner venuz
[55] vers luy et qu'il leur eust baillé argent ;
[56] a quoy ilz s'accorderent. Et a l'apres disner
[57] dudit jour, retournerent vers
ledit Mabit
[58] lesdits le Meignen et Emery fors
ledit filz
dudit
[59] Emery lequel Mabit les mena a
notre provost
[60] dudit Nantes, auquel il avoit ja baillé
[61] lesdites escuelles. Lequel
provost les
interrogea
[62] des moiens, faczon
et commant alloit du faict
[63] desdites escuelles et qui leur avoit baillees. Et
[64] apres les avoir touchant ce interrogez, les
[65] fist
constituer et mener en
nosdites prinsons et
[66] Bouffay de Nantes ou ilz sont encores detenuz
[67] comme dit est. Quelles escuelles
notre cher
[68] et amé cousin et
lieutenant general en
cedit pays,
[69] le
Sr de Chasteaubriend a dempuix avouees
estre
[70] siennes
et luy
apartenir, et luy ont esté icelles
[71] rendues. Et soit ainsi que en
procedant sur
ledit
[72] cas vers eulx, ilz ont
nomé et appellé
pour garant
[73] ledit Jacques Emery, filz
dudit Julien, quel leur a
[74] esté
[??] amener
dedans ung moys ou en
[75] deffault de ce
fere et estre vers eulx
proces decrecté
[76] a
notre procureur dudit Nantes, affin de pugnicion
[77] dudit cas, ce que leur est impossible
fere a
raison
[78] que ledit Jacques s'est des leur prinse rendu fugitif
[79] hors
notredit pays
et duché
comme est tout notoire
[80] sans dempuix
ledit Megnien et Emery
avoir
[81] sceu ne eu aucune
congnoissance quelle
parrt il est allé.
<218 recto>
[82] Si nous remonstrent
lesdits supplians que
dempuix lesdits
[83] Francoys Mallinet
et sa
femme ont esté renduz
[84] prinsonniers
audit Bouffay de Nantes lesquelz
[85] en
jugement ont congnu avoir baillé
lesdites deux
[86] escuelles ausdits Emery et Megnien et avoit
[87] receu l'argent d'eulx
[?deix?] pour lequel
lesdites
[88] escuelles tenoint avecques ung escu, que
[89] ledit Mallinet a dit
avoir eu
dudit Jacques Emery
[90] fugitif. A
raison de quoy, sont
pourtant lesdits Julien
[91] Emery et Meignien relevez
dudit faict mais
[92] pour tant qu'ilz ont esté en coulpe d'avoir ce
[93] recelle et teu a justice
dempuix le
recouvrement faict
[94] desdites escuelles veu
et congneu y
avoir escuczons
[95] dont
presumption estoit de
desrobement et de ne
s'estre
[96] saesiz
dudit Jacques ainsi qu'estoint tenuz
fere, doubtent
[97] que justice s'esforce de
proceder vers eulx a rigueur
[98] de justice. Et a ceste
cause, nous ont
tres humblement
[99] supplyé, actandu que
lesdits Emery et Meignen avoint
[100] auparavant ledit cas avenu vescu
honestement de leur art et
[101] mestier sans jamais
avoir commis ne
perpetré aucun
[102] cas digne de
reprehencion, de
notre grace
especiale
[103] plaine
puissance et auctorité souveraine, leur quicter
[104] et pardonner
ledit cas
ensemble la pugnicion en quoy
[105] pour raison
dudit cas ilz pourroient
estre cheuz et
[106] encouruz envers nous et justice. Tres
humblement
[107] le nous requerant, pour ce est que nous
[108] ces choses
considerees,
etc.
Pelerin