Copyright (c) 1999 by Nicole Dufournaud
Cette transcription a été réalisée par Nicole Dufournaud pour son mémoire de maîtrise et est consultable à l'URL suivant : http://nicole.dufournaud.net/remission/. Si vous utilisez ce document pour une publication, prière de référencer le mémoire de maîtrise et si vous l'utilisez en ligne, prière de référencer l'URL du document.
This transcription has been done by Nicole Dufournaud for her Master's Thesis and is available at: http://nicole.dufournaud.net/remission/. If you use this document for a publication, please add the Master's Thesis in the citations; if you use it online, please reference this URL.

---

13/11/1532

<221 verso>
Remission pour Jehan Bernier de Guerande,
la verifficacion aux juges de Guerande.
[1] Francois, etc, Savoir faisons, a tous presens et a venir, nous
[2] avoir receu l'humble supplicacion et requeste des parens
[3] et amys consanguins de Jehan Bernier, cousturier, demourant
[4] en Guerande, Contenant que avant ces heures
[5] ledit Bernier avoit recuilly en sa maison ung
[6] jeune enfant nomé Estienne Corgnan de l'aige
[7] d'environ quartorze ans, nepveu de Jehanne Mahe, sa
[8] femme, pour le nourrir et instruire audit mestier de cousture.
[9] Et adceque le mardy quatorzciesme jour d'aougst
[10] derroin et quequessoit en celluy moys ledit Bernier
[11] qui les jours precedens avoit esté besongner de sondit
[12] mestier hors sa maison, voullut corriger ledit Estienne
[13] de quelques faultes et maulvayses condicions dont il
[14] usoit, ainsi qu'il estoit tenu fere comme aux autres gens
[15] de sa famille ; celluy Estienne commencza a murmurer
[16] et arrogantement parler audit Bernier qui de ce irrité
[17] et couroucé, bailla ung soufflet de sa main sur le visaige
[18] dudit Estienne par maniere de chastiment duquel
[19] soufflet il tomba a terre auquel ainsi tombé pour ce
[20] qu'il ne cessoit de murmurer luy bailla derechef
[21] ledit Bernier ung coup de pied sans touteffoiz que
[22] a raison desdits coups y eust aulcune effusion de sang,
[23] ce que icelluy Bernier eust voulloir ne intencion <222 recto>
[24] de fere aulcun mal audit Estienne qui de paravant
[25] avoit esté par ledit Bernier doulcement trecté et
[26] nourry comme s'il eust esté son propre enfant
[27] tendant l'instruyre et fere homme de bien de son mestier.
[28] Lequel Estienne le jeudy prochain ensuyvant alla
[29] de vie a deces, ne savent lesdits supplians si ce
[30] fut a cause desdits soufflet et coup de pied ou de
[31] malladie de laquelle il estoit lors detenu au
[32] conseil dudit Bernier ou de peste qui pour lors
[33] auparavant et depuix avoit eu cours en la parroisse de
[34] Piheriac et es environs dicelle ou il hantoit et
[35] frequentoit souvant. A raison duquel cas ainsi
[36] de malle fortune et inopinement avenu,
[37] les officiers de la court et juridicion de [?Campsillon?]
[38] sous laquelle ledit Bernier est demourant, l'ont
[39] prins et constitué prinsonnier en noz prinsons de
[40] Guerrande, court supperieure de celle dudit
[41] Campsillon ou il est a present detenu a grant misere
[42] et calamité, et tendent proceder vers luy a rigueur
[43] de justice. Si nous ont lesdits supplians remonstrer que
[44] ledit Bernier est chargé de femme et petitz et qui
[45] auparavant ledit cas estoit bien vivant, doulx et
[46] paisible sans jamais avoir esté ainsi d'aucun autre
[47] cas digne de reproche, nous suppliant qu'il
[48] nous plaise a tout ce que dessus avoir esgard,
[49] et dudit cas impartir et octroyer audit Bernier
[50] noz lettres de grace, remission et pardon. Tres humblement
[51] les nous requerans, pour quoy nous, etc.

Darande