Lettre n° 75

04/12/1532

<237 verso>
Remission pour Jehan Godet de La Villecte,
en la paroisse de Saint Mallon, la verificacion aux
juges de Ploermel, etc.
[1] Francois, etc, a tous presens et a venir, Savoir faisons,
[2] nous avoir receu l'humble supplicacion et requeste
[3] de notre pouvre subgect Jehan Godet d'Avillecte <238 recto>
[4] en la parroisse de Saint Malon, Contenant que
[5] ou moys de may l'an mil cinq cens trante ung,
[6] a ung jour de feste, apres que ledit suppliant eut
[7] ouy messe en l'eglise parriochial oudit Saint Mallon,
[8] se retira en la maison de Clemens Notin tenant
[9] vin en vente oudit bourg en laquelle estoint
[10] Clemens Bonestard, Collas Guyomaz et Geffroy
[11] Roger, lesquels Guyomaz et Roger avoint different
[12] ensemble. Et pour les appoincter* de leurdit
[13] different, choaisirent ledit suppliant pour leur
[14] arbitre qui les accorda et appoincta ; et en faisant
[15] celluy appoincte, beurent fort ensemble en maniere
[16] que ledit suppliant se emboyta et print fort de vin. En
[17] laquelle maison dudit Notin, estoient pareillement
[18] plusieurs personnes a boire et entre aultres, deffunct Pierres
[19] Suget qui estoit aussi fort prins de vin lequel
[20] avoit auparavant conceu hayne et inimytié
[21] allencontre dudit suppliant a raison que ledit suppliant
[22] estoit fermier de la terre et Srie de La Villehoneix
[23] qu'est en ladite parroisse de Saint Mallon en la juridicion
[24] de laquelle ledit Suget avoit contracté et faict
[25] acquest d'aulcuns heritaiges dont ledit suppliant l'avoit
[26] contrainct a poyer les ventes. De quoy celluy
[27] Suget qui estoit mareschal, home debatif,
[28] querelleux, yvrougne et mal vivant, donna
[29] audit suppliant plusieurs grosses menaces de le tuer
[30] disant qu'il ne mourroit que de ses deux
[31] mains. Et par plusieurs autres jours tant avant
[32] que apres boire, ledit Suget s'estoit en absence
[33] dudit suppliant vanté qu'il le rencontreroit et
[34] le tueroit. Et en continuant celluy Suget
[35] son mal voulloir taschant le mectre
[36] a execution comme est vroy semblable <238 verso>
[37] se departit de ladite taverne environ une heure
[38] auparavant que ledit suppliant s'en yssist* hors
[39] dicelle esperant soy en aller, lequel comme
[40] environ une ou deux heures de l'apres midy
[41] dudit jour se sentant estre emboyté et prins de vin
[42] voullant se retirer en sa maison et print
[43] chemyn pour y aller ; et chemyn faisant trouva
[44] ledit Suget qui comme est a presumer gardoit
[45] ledit suppliant faisant sondit chemyn entre ledit bourge
[46] et le boys de Saint Jehan, nomé La Chermeraye,
[47] lequel Suget qui estoit grant home
[48] et de grande corpolance plus que ledit supliant
[49] perseverant en son mal voulloir, print
[50] ledit suppliant aux cheveux, l'etraigna et abatit
[51] a terre soulz luy par plusieurs foiz, le foullant
[52] avecques les genoux, luy esgratigna la face
[53] en maniere que il le blecza en sadite face
[54] a effusion de sang, luy disant qu'il avoit
[55] au corps ce que jamais il y auroit,
[56] et trayna ledit suppliant jucques audit boys
[57] de La Chermeraye disant qu'il tueroit ledit
[58] suppliant. Quoy voyant ledit suppliant qui
[59] estoit le plus foible, estre ainsi oppressé
[60] et baptu, craignantz a raison qu'ilz estoint
[61] seulz que ledit Suget l'eust occys, tira
[62] ung petit cousteau qu'il avoit et dont il
[63] se servoit a trancher son pain, et en frappa
[64] ung coup environ la gorge dudit Suget.
[65] A occasion duquel alla ledit Suget de vie
[66] a trespas, ainsi que fut dit par apres audit
[67] suppliant et qu'il a esté depuix de ce chose noté.
[68] Au moien duquel deces auroit esté procedé <239 recto>
[69] a enquestes et informacion par la court de Saint
[70] Mallon, et sur ledit cas par icelle court
[71] fut ledit suppliant aiourné ou il deffaillit
[72] par quelques foyz sur ledit cas et prinse sur luy
[73] commandee. Aussi nous remonstre ledit suppliant
[74] que auparavant ledit cas ainsi advenu, il s'est
[75] tousjours bien traicté en autres ses afferes
[76] sans avoir esté actainct par justice d'autres mauveis
[77] cas, et pour ledit meffaict s'estre liberallement
[78] trouvé et constitué prinsonnier en noz prinsons
[79] de Rennes a la joyeuse et nouvelle entree
[80] de notredit filz le dauphin fecte en ceste notre
[81] ville de Rennes, et dicelles mys hors et temps
[82] luy baillé pour de nous obtenir lettres de
[83] grace et remission sur ce convenables.
[84] Tres humblement nous requerant icelles
[85] luy conceder et octroyer, pour quoy nous
[86] lesdites choses considerees.

Pelerin

Registre B34 Lettre n° 75

04/12/1532