Lettre n° 77

13/12/1532

<245 recto>
Remission pour Pierres Le Mingot
la verifficacion aux juges de Lannyon.
[1] Francois etc, a tous presens et a venir, savoir faisons
[2] nous avoir receu l'humble supplicacion et requeste
[3] des parens et amys consanguins de Pierres Le Myngot,
[4] pouvre jeune gentilhome originaire de notre
[5] juridicion de Lannyon, Contenant que ou moys
[6] d'octobre dernier a ung jour de jeudy marché
[7] audit Lannyon, se y trouva ledit Le Myngot en <245 verso>
[8] la maison Jehan Derien pres le marcheix
[9] dudit lieu, aussi se y trouverent Tugdual Le
[10] Gal et ung dict en sournom Le Panteur,
[11] mareschal dudit Lannyon, et Katherine Derien
[12] qu'ilz et ledit Myngot beurent a une table en
[13] la chambre basse et sur terre de ladite maison ;
[14] et autre table estant en icelle chambre estoint
[15] beuvans feu Jehan Croq et Jehanne Le Beaunant,
[16] sa femme, ung filz dudit Croq ayant ung chappeau
[17] noir sur la teste et deux autres que l'on
[18] appelle en sournom Jacob. Et eulx estans
[19] audit lieu, entre lesdits Le Myngot, Katherine
[20] Derien et autres surnomez de leur escot et compaignie
[21] presens et assistans y eut propos et divise entre lesdits
[22] Le Mingot et ladite Katherine Derien touchant le
[23] poyement du temps que ladite Katherine avoit esté chambriere
[24] et serviteure dudit Le Myngot. Et en l'endroit dicelluy
[25] compte et propos, ledit Croq le jeune estant a ladite
[26] autre table assiz pres de celle ou estoit Le
[27] Myngot et sa compaignie, regarda derriere luy droit
[28] a la table ou estoit ledit Myngot riant comme
[29] s'il eust entendu ou voullu entendre le
[30] propos dudit Le Myngot et sadite chambriere. Quel
[31] Le Myngot lors emboyté de vin et n'ayant eu
[32] auparavant aucune congnoissance desdits Crocqs, dist
[33] audit filz dicelluy Croq qui avoit sur la teste
[34] ung chappeau noir par telles ou semblables
[35] parrolles denotantes* tel esfect : « Chappeau noir !
[36] Pourquoy escoutes-tu le compte et escot d'autruy
[37] ainsi riant ? » Auquel ledit Croq le vieil repondit
[38] et dist telles parrolles : « N'estes-vous pas pour estre
[39] regardé ? » Sur ce respondit ledit Le Myngot
[40] que ouy et dist audit Croq le vieil : « Ne scay
[41] tu pas bien qui tu es ? » Et respondit ledit Croq le
[42] vieil les parolles ou l'un dicelles cy apres : <246 recto>
[43] « Ouy, je suys hegecabel ou toulecabel et vous estes
[44] Myngot ! » qui sont motz bretons denotans mocquerie,
[45] [?mesprison?] et derision, ne servans que a arriter
[46] ceulx ausquelz on les profere. Et lesdits deux
[47] mots hegecabel et toulecabel interpretez de
[48] langaige breton en langue francoyse signisfient
[49] et vallent aultant a dire comme [?sequorre?] chapperon
[50] et chapperon pere. Et sur ces parrolles dictes
[51] par ledit Croq qui estoit home de bas estat, se
[52] despita ledit Myngot d'estre ainsi irrité par
[53] celluy Croq et se leva pour aller droict audit
[54] Croq et s'aprocherent l'un de l'autre et d'une dague
[55] que avoit ledit Le Myngot frappa ledit Le
[56] Croq ung coup d'estoc au dessoubz de la mamelle
[57] du costé gausche dicelluy Croq dont yssit
[58] grande effusion de sang. A l'occasion duquel
[59] coup demoura celluy Croq en laditemaison tout
[60] sanglant, et peu de temps apres et le mesme
[61] jour trespassa. Et ce voyant, alla et se
[62] rendit ledit Le Myngot ou couvent des Augustins
[63] dudit Lannyon ou il a esté et est depuix en
[64] franchise. Nous remonstrant oultre que
[65] paravant ce que dit est n'y avoit hayne entreulx
[66] ne maltallent entre lesdits deffunct et Myngot
[67] et n'avoient eu affere l'un a l'autre d'aulcun faict
[68] et de luy comme devant est dit, n'avoit celluy
[69] Le Myngot aucune congnoissance. Pour raison
[70] duquel cas a esté ledit Le Myngot mys
[71] en proces et ajournement par notredite court de
[72] Lannyon ou il n'a ozé comparoir et que auparavant
[73] ledit cas, il qui est jeune gentilhome chargé
[74] de femme et enfans, n'avoit jamais esté actainct <246 verso>
[75] ne vaincu de justice d'avoir commis ne perpetré aucun
[76] villain cas digne de pugnicion. Nous suppliant dudit
[77] cas impartir audit Le Myngot noz lettres de grace,
[78] remission et pardon, tres humblement requerant
[79] icelles. Pour quoy nous, etc.

Morice

Registre B34 Lettre n° 77

13/12/1532