23/02/1531 [23/02/1532]
<34 verso>
Remission
pour Jehan Alline,
laboureur de la
parroisse de Medreac, la
verificacion aux juges
de Rennes.
[1] Francois,
etc, a tous
presens et a venir,
savoir faisons,
[2] nous
avoir receu l'
humble supplicacion et requeste des
[3] femme, parens et amys consanguins de
notre pouvre
[4] subgect Jehan Alline, laboureur, originaire de la
[5] parroisse de Medreac ou ressort de
notre juridicion
[6] de Rennes,
Contenant que ou moys de janvier derroin, a
[7] ung
jour de
sabmedy qui est
jour ordinaire
et acoustumé
[8] avoir et tenir marché en la ville de
Saint Meen,
ledit Alline
[9] fust allé
audit marché
pour ses negoces et
afferes.
[10] Et apres y
avoir vacqué, sur la vesprant
dudit jour
[11] se trouverent
assemblement a boyre
et prandre
leurs
[12] reffections ung
nommé Pierres Tephayne de la
parroisse
[13] de
Saint Mervon ou diocese de Dol, voysins d'un
quars
[14] de lieue ou
environ, en
compaignie duquel et d'
aultres fist
[15] ledit Alline bonne chaire sans qu'il se trouvast
[16] entre luy ne aulcuns de
ladite compaignie parrolles
[17] de querelles ne de debat. Et
apres avoir ainsi beu et
[18] prins
leurs reffections, aians faict
assemblement
[19] bonne
chere tellement
qu'ilz estoint quelque peu
[20] eschausfez de vin, se
departirent ensemble et
[21] print
ledit Tephaine premier son chemyn
et s'en alla
[22] a sa maison estante en
ladite parroisse de Sainct
<35 recto>
[23] Mervon, et
ledit Jehan Alline ayant parachevé ses
[24] negociacions et
afferes oudit marché print
pareillement
[25] chemyn
pour s'en retourner a
sadite maison estant ou villaige
[26] des Marches en
ladite parroisse de Medreac, estant
[27] celluy Alline monté sur ung sien cheval estant
[28] derriere luy sur
sondit cheval ung
nomé dom
Guillaume
[29] Regnaud et estans loign de
ladite ville de
Saint Meen
[30] d'une demye lieu ou
environ entre une fontaine
[31] appellé la Fontaine de Fontenay et le bourge du Crouaes
[32] ou ressort de
votre juridicion de Ploermel. Et estoit
[33] lors presque nuyt fermante, acousreurent
ledit
[34] Pierres Tephaine lequel
incontinent que furent a luy
[35] arrivez, se adrecza
audit Alline ainsi qu'est venu a
[36] congnoissance ausdits supplians, print o l'une de ses mains
[37] le cheval dicelluy Alline a la bride et portant
[38] celluy Tephaine son autre main et bratz sur le coul
dudit
[39] cheval, le impeschant a son povoir de aller en avant,
[40] ce detournoit
ledit cheval ; lors dist
ledit Alline
[41] audit Tephaine par
plusieurs foiz
qu'il eust lasché
[42] sondit cheval ou qu'il s'en repentiroit
faisant serment
[43] ou blapheme du nom de dieu
et disant audit Tephaine
[44] en le appellant
« Avouetre ! » qu'il en avoit assez de
[45] deux a porter, a raison
comme dit est que
ledit dom
[46] Guillaume Regnaud estoit sur la crouppe
et derriere
[47] dudit cheval.
Neantzmoins quoy
ledit Tephaine
contre la volunté
[48] dudit Alline
conduisit et mena
ledit cheval quelque
[49] espace de chemyn
et jucques a l'entree
dudit bourge
[50] de Crouays, le tenant par la range de la bride
[51] disant et disoit
ledit Tephaine
parolles de tel effect :
[52] « Tu m'as appellé avouestre ! » les adreczant
audit Alline.
[53] Et estantz arrivez
oudit bourge au-devant de la
maison
[54] ou est demeurant ung
nommé Jehan Delahaye,
[55] demonstrant
ledit Tephaine
estre desplaisant de quoy
[56] ledit Alline le avoit appellé avouetre, print
[57] et saesit
ledit Alline a ung de ses braz
s'esforczant
[58] le incliner
fere cheoir et tomber a
terre de dessur
sondit
[59] cheval ayant et tenant
ledit Tephaine ung petit
<35 verso>
[60] couteau nud en l'une de ses mains. Et
neantzmoins que
[61] souvent
ledit Alline eust dit
audit Tephaine que l'eust
[62] lessé, luy
disant que s'estoit ung mauvays gars
[63] avouetre de l'avoir gardé sur le chemyn, fut celluy
[64] Aline
contrainct de descendre de dessur
sondit cheval ;
[65] et a la descente se approcha
dudit Tephaine, luy
[66] frappa du poing ung coup sur la teste et lors
[67] ledit Tephaine print
et saesit
ledit Alline aux
[68] cheveulx et celluy Alline
pareillement ledit Tephaine.
[69] Et a
raison que
ledit Tephaine estoit beaucoup
[70] plus fort
et puissant que
ledit Alline, trayna et
[71] hercza celluy Alline ainsi le tenant
parr
[72] les cheveulx
jucques a l'entree de la vir
* et court de la
maison
[73] dudit Delahaye et en icelle se abbatirent et
[74] cheurent l'un sur l'autre et
apres estre relevez
[75] de terre
ledit Tephaine derechef print
et saesit
[76] aux cheveulx
ledit Alline et celluy Alline
[77] pareillement ledit Thephaine, et se abbatirent
[78] derechef a
terre et furent lors departiz
[79] par
ledit Regnaud
comme myeulx le peult
fere,
[80] et encores
s'aprocherent l'un
contre l'autre
comme
[81] gens estans fort eschauffez
et esmeuz l'un vers
[82] l'autre et fere saesirent encores au poil.
[83] Et craignant
ledit Alline la
fureur et malle
[84] volunté
dudit Tephaine quel
estoit querelleux
[85] lorsqu'estoit eschauffé de vin et lequel
[86] estoit beaucoup plus
puissant que
ledit Alline
[87] et que par troys foiz l'avoit assailly et
[88] prins aux cheveux que il eust de
sondit
[89] cousteau tué
et occys
ledit Alline, celluy
[90] Alline tira ung petit cousteau a poing
[91] que il avoit pendu a sa
sainctures et dicelluy
[92] donna ung coup en la joue
dudit Tephaine
[93] ascendant celluy coup en la gorge dont il
[94] gecta grant sang et alors s'escrya
ledit
[95] Tephaine a haulte voix, et
lesdits Alline
<36 recto>
[96] et Regnaud monterent sur le
cheval dicelluy Alline
[97] et
assemblement s'en allerent tirans leur chemyn a aller
[98] a leurs
demourances estant en
ladite parroisse de Medreac.
[99] Et est venu a
congnoissance esdits supplians que apres
avoir
[100] esté
ledit Tephaine
confessé, il estoit allé de vie a
[101] trespas. Au moien de quoy,
ledit Alline se seroit
absenté
[102] et rendu fugitif craignant pour
ledit cas rigueur
[103] de justice. Si nous remonstrent
lesdits supplians
[104] que
ledit Alline quel est jeune
home de xxv a xxx
[105] ans est chargé de
femme et troys petitz enfans,
[106] et
auparavant ledit cas s'estoit en tous
aultres ses
[107] afferes bien troicté et
gouverné sans
avoir esté
[108] reprins de justice, yssu et extroit de gens notables
[109] sellon leur estat, et craignent
et doubtent
lesdits
[110] supplians que l'on veille vers
ledit Alline pour
[111] ledit cas par luy
commis proceider a rigueur
[112] de justice tant par
forbannissement de sa
personne
[113] que
aultrement, si par nous ne luy est imparty
[114] noz
lettres de grace, remission et pardon, tres
humblement
[115] nous requerant icelles. Pourquoy nous
[116] lesdites choses
considerees,
etc.
Pelerin