Copyright (c) 1999 by Nicole Dufournaud
Cette transcription a été réalisée par Nicole Dufournaud pour son mémoire de maîtrise et est consultable à l'URL suivant : http://nicole.dufournaud.net/remission/. Si vous utilisez ce document pour une publication, prière de référencer le mémoire de maîtrise et si vous l'utilisez en ligne, prière de référencer l'URL du document.
This transcription has been done by Nicole Dufournaud for her Master's Thesis and is available at: http://nicole.dufournaud.net/remission/. If you use this document for a publication, please add the Master's Thesis in the citations; if you use it online, please reference this URL.

---

13/12/1532

<250 verso>
Remission pour Julien de La Lande, sergent
de la court de Rennes, la verifficacion audit Rennes.
[1] Francois, etc, a tous presens et a venir, savoir faisons
[2] nous avoir receu l'humble supplicacion et requeste de notre
[3] pouvre subgect Julien de La Lande, sergent de notre
[4] court de Rennes, Contenant que puix l'an, a requeste de Pierres
[5] Boulangier, il eust executé numbre de bien <251 recto>
[6] ches ung nomé Georges Bourdier, crediteur dudit Boulanger
[7] et iceulx biens venduz et esplectez ou bourg de Vern a
[8] ung nomé Bertran Bonetard comme dernier encherisseur,
[9] quel Bonetard des lors bailla lesdits biens a ung nomé
[10] Pierres Riace pour iceulx porter au bourg de Saint Helier
[11] et payer audit supplians les deniers dicelle vendicion. Et
[12] comme ledit suppliant s'en retournoit dudit bourg de Vern
[13] pour venir en ceste notredite ville de Rennes,
[14] rencontra sur le chemyn ledit Riace saesy desdits biens
[15] et non recordz ledit suppliant que ledit Bonetard
[16] les eust baillé audit Riace pour iceulx porter audit
[17] bourg de Saint Helier, icelluy suppliant qui estoit prins
[18] de vin osta lesdits biens audit Riace et iceulx porta
[19] de luy mesme et bailla en garde en une
[20] maison situee oudit bourg de Sainct Helier. A laquelle
[21] cause, fut ledit suppliant mené devant l'un de noz juges
[22] de Rennes devant lequel il renya ledit cas
[23] faisant plusieurs juremens et blaphemes pour quoy il
[24] fut constitué prinsonnier. Et le lendemain apres
[25] que ledit suppliant eut perdu son vin, il confessa
[26] ledit cas. Et deppuix a la joyeuse et nouvelle
[27] entree de notredit filz le dauphin en ceste notre
[28] ville de Rennes, fut ledit supplians mys hors desdites
[29] prinsons et temps luy baillé pour de nous obtenir
[30] lettres de grace et remission dudit cas. Et a ceste
[31] cause, nous a tres humblement supplyé et requis icelles
[32] luy impartir et conceder. Pour quoy nous, etc.

Pelerin