Item esdits Cloux pres la Cosvillaie une chaintrelachiver : bande de terre au bout des sillons où tournent les attelages et les tracteurs de terre en pré reduicte a cinq seillons deux raies d'un costé le chemin pour servir ladite gaignerie des Cloux d'autre a Guillaume Roul d'un bout aulx partaigeans heritiers de ladite Guillemette Le Bastard, prisée seix soulz.

Item es prés balliez ung loppin de terre en pré et buharay contenant quatre seillons deux raies trois quartz d'un costé et d'un bout a Jan Legay d'aultre a Guillaume Legay, haie entre deux, prisez quatre soulz.

APour segonde lottye et autre moictié, savoir La presente lottyeest arrivée auditest es Cloux près la Cosvillaie treze seillons de Chevalier oudit nomcherrue reduictz a quinze seillons d'un costé aux en premier choaixpartageans heritiers de Guillemecte Le Bastard d'aultre costé a Guillaume Roul et d'un bout la chainte appartenant ausdits partageans, prisez vingt deux soulz seix deniers.

Item en la close Guillard treze seillons et cherrue reduictz a quinze seillons d'un costé aulx hoirs Jacques Gougeon d'autre costé aulx hoirs feu Guillaume Gouret d'un bout le courtil a l'esné, prisez quinze soulz.

Item du bochiz une piecze de terre en labour reduicte a dix seillons deux raies d'un costé aulx Bandz d'autre costé a Pierre Guillot haie entre deux d'un bout a Perrine Le Bastard, prisée quinze soulz.

Item en la close de la haie Hervé ung loppin de terre en pré en fresche reduict a unze seillons trois raies d'un costé a Pierre Greslan d'autre costé a Jacques Heraud haie entre deux qui est de la presente d'un bout a Donet de Mauzan, prisez quinze soulz.

Et sy autres heritaiges sont trouvez cy appres estre de ladite succession et n'estre employez au present ilz les deppartiront par cy appres entreulx comme ilz y sont fondez et en attendant en jouyront par moictié se serviront les ungs par sur les terres des autres en temps et saizon et au moings endommageable que faire ce poura, payeront leurs rantes et debvoirs deues sur lesdites choses par moictié. Et partant se sont lesdites partyes et esdits noms tenues acomptantés chacun de ce que leur est arrivé en sa lottye par le present et s'entre en sont quittez respectivement fors de la renoué a la coustume et s'entre en sont promis garentaige l'un a l'autre desdites choses sur l'obligacion et ypothecque de tous et chacuns leurs biens presens et futurs o maire forme promis juré obligé renunczé et condamné par la court de Blaing o submission et prorogacion de juridiction y jurée ny consenty et faict sur le du chateau de Blaing en la maison dudict sieur commissaire soubzsigné en presence de René Foueillet qui a signé a requeste desdites partyes et esdits noms qui ont juré ne savoir signer le vingt quatreme jour de novembre mil seix cens ung. Et d'aultant qu'il y avoict autres herictaiges que ceux employez cy devant estantz de ladite succession lesquelz ledit Chevallier oudit nom voulloict et entendoit faire entrer oudit partaige, a esté par lesdits Le Clerc et Marzac oudit nom dict et declaré que deffunct Jullien Le Clerc leur pere les avoict acquis d'avecques deffunctz Guillaume Chevalier et ladite Janne Le Bastard sa femme comme ilz ont faict apparoir presentement par deux contractz passez par ladite court de Blaing par A et P Guitard, notaires en datte du quatreme jour de decembre mil cinq cens quatre vingtz trois et l'autre par P Guitard et J Foueillet notaires en datte du vingt troisme jour de mars mil cinq cens quatre vingtz seix de quoy a esté decerné acte aux partyes pour leur servir ou affaire en auront lesdits jour et an. Ainsi signé au registre Foueillet J Foueillet notaire royal et commissaire et Margat notaire vers lequel est demouré ledit registre.